Տեառնընդառաջը հայոց եկեղեցու տոներից է: Հայոց եկեղեցին Տեառնընդառաջը տոնում է փետրվարի 13-ին՝ Քրիստոսի ծնունդից քառասուն օր հետո:
Ընդունված ավանդույթի համաձայն ՝ ԵՊՀ-ում այս տարի ևս նշվեց Տեառընդառաջը: Սակայն, ի տարբերություն նախորդ տարիների, այս տարի այն ունեցավ յուրահատուկ բնույթ: Այս անգամ բանասերներին միացան ԵՊՀ աստվածաբանության , պատմության, տնտեսագիտության, փիլիսոփայության ու հոգեբանության ֆակուլտետների ուսանողները:
Տոնակատարությունը սկսվեց Գեղամ Սարկավագի օրհնությամբ, ով ներկայացրեց տոնի խորհուրդը: Պրոֆեսորադասախոսական կազմի գլխավորությամբ՝ ուսանողները պտտվեցին ավանդական խարույկի
շուրջ, որին հաջորդեց բուն արարողությունը: Տոնակատարության ընթացքում եղան բազում անակնկալներ:
ԵՊՀ ՈՒԽ փոխնախագահ Վարդան Ղափլանյանը իր կարծիքը հայտնեց ասելով. «Ողջունելի է, որ մի քանի ֆակուլտետներ միավորվում են մեկ գաղափարի շուրջ՝կազմակերպելով նմանատիպ միջոցառումներ: Հուսանք, որ ապագայում սա կկրի շարունակական բնույթ՝ ընդլայնելով համագործակցության սահմանները»:
Նյութը պատրաստեցին Դանիելյան Արևիկը և Դավոյան Լիլիթը
