ԵՊՀ ուսանողական խորհուրդը կազմակերպում է «Ուսանողական ինքնակառավարման հիմնախնդիրները ԵՊՀ-ում» խորագրով դասընթաց:
Դասընթացը նպատակ ունի խթանել ուսանողների մասնակցությունը ներհամալսարանական հասարակական կյանքին, ուսանողներին փոխանցել համապատասխան տեղեկատվություն և հմտություններ: Դասընթացը տեղի է ունենալու երկու փուլով՝ Երևանում և Ծաղկաձորում:
Դասընթացին մասնակցելու համար անհրաժեշտ է լրացնել համապատասխան հարցաթերթիկը: Մասնակիցների ընտրությունը կկատարվի հարցաթերթում տեղ գտած պատասխանների հիման վրա, ինչից հետո ընտրված ուսանողները կմասնակցեն ծրագրի երևանյան փուլին: Այնուհետև լավագույն արդյունք ցույց տված ուսանողները կմասնակցեն Ծաղկաձորում անցկացվող դասընթացին:
Դասընթացներին կարող են մասնակցել միայն բակալավրիատի 1-ին և 2-րդ կուրսերի ուսանողները:
Լրացված հարցաթերթը պետք է հանձնել ԵՊՀ ուսանողական խորհուրդ (ԵՊՀ կենտրոնական մասնաշենք, 6-րդ հարկ, 609 սենյակ) կամ ուղարկել ՈՒԽ էլ. փոստին՝ student_council@ysu.am:
Հավելենք, որ հարցաթերթիկի ներկայացման վերջնաժամկետն է 2014 թ-ի փետրվարի 21-ը:
Հրացերի դեպքում գրեք մեզ հետադարձ կապի միջոցով,կամ էլ մեր facebook-յան էջին
